सामान्य अंकले बढ्यो शेयरबजार

A+ A A-

साताको पहिलो शेयर कारोबार दिन आइतबार नेप्से परिसूचक सामान्य अंकले बढेकोे छ । आइतबार नेप्से परिसूचक ५.८८ अंक बढेर १८८३.२० बिन्दुमा पुगेको हो । त्यस्तै, सेन्सेटिभ इण्डेक्स ०.१४ अंकले, फ्लोट इण्डेक्स ०.२८ अंक र सेन्सेटिभ फ्लोट इण्डेक्स ०.०२ अंकले बढेको छ ।

आइतबार कारोबारमा आएका २७३ कम्पनीका ४८ लाख २८ हजार कित्ता शेयर १ अर्ब ६० करोड ४ लाख ९२ हजार रुपैयाँ बराबरमा खरिदबिक्री भए । गत बिहीबारको तुलनामा कारोबार रकम पनि बढेको छ । अघिल्लो कारोबारमा करिब डेढ अर्बको शेयर कारोबार भएको थियो ।

नेप्सेका १३ उपसमूहमध्ये आइतवार ९ उपसमूहको परिसूचक बढेको छ । त्यस्तै ४ उपसमूहको परिसूचक भने घटेको छ । जसमा निर्जीवन बीमा उपसमूहको परिसूचक २.८० प्रतिशत, होटल तथा पर्यटन र व्यापार उपसमूहको परिसूचक २ प्रतिशतभन्दा बढीले बढेको छ ।

वित्त, जलविद्यूत,उत्पादन तथा प्रशोधन उपसमूह र विकास बैंकको परिसूचक घटेको छ ।

नेप्से परिसूचक बढेसँगै आइतबार दुई कम्पनीको शेयर सकारात्मक सर्किट लेभलमा कारोबार भएको छ । जसमा राष्ट्रिय बीमा कम्पनी र आत्मनिर्भर लघुवित्तको शेयर सकारात्मक सर्किट लेभलमा कारोबार भएको छ । तर आदर्श लघुवित्तको शेयरमूल्य ६.५६ प्रतिशत घटेको छ । आइतबार कारोबारमा शिवम् सिमेन्ट्स कम्पनीको ६ करोड १७ लाख रुपैयाँ बराबरको शेयर खरिदबिक्री भएको छ ।

प्रकाशित मिति: आइतबार, जेठ ७, २०८० १६:१७