आज दिनभर: राष्ट्रियसभा अध्यक्षमा दाहाल निर्वाचित, ओलीले भने

आज दिनभर: राष्ट्रियसभा अध्यक्षमा दाहाल निर्वाचित, ओलीले भने– ...नत्र कांग्रेसकाे सरकार बन्ला

A+ A A-

प्रधानमन्त्री पुष्पकमल दाहाल प्रचण्डलाई विश्वासको मत दिन सांसदहरूलाई एमाले अध्यक्ष केपी शर्मा ओलीले निर्देशन दिएका छन् । प्रचण्डले विश्वासको मत नपाए कांग्रेस नेतृत्वमा अल्पमतको सरकार बन्ने उनले बताए । संसदमा बुधबार प्रधानमन्त्री प्रचण्डले विश्वासको मत लिने तयारी गरेका छन् ।

राट्रियसभा अध्यक्षमा नेकपा माओवादी केन्द्रका सांसद नारायणप्रसाद दाहाल निर्वाचित भएका छन् । कांग्रेस उम्मेदवार युवराज शर्मा पराजित, भए । जनकपुरको होटलमा मृत भेटिएकी खुश्बु सुनारको कपडा च्यातिएको पाइएकाे छ । दुई युवक फरार भएका छन् ।भारतीय नम्बर प्लेट भएको मोटरसाइकल बरामद भएकाे छ ।

सुर्खेतमा घाँटी रेटिएको अवस्थामा युवकको शव फेला परेकाे छ । उनकाे हत्या भएको आशंका गरिएकाे छ । गृहमन्त्री रवि लामिछानेले गैरकानुनी काम गर्नेलाई कारबाही गर्न आफ्नाे आदेश नपर्खन प्रहरीलाई निर्देशन दिएका छन् ।

तनहुँको आँबुखैरेनी गाउँपालिकाका प्रधानाध्यापक, शिक्षक र कर्मचारीले आफ्ना बालबालिकालाई सामुदायिक विद्यालयमा पढाउनुपर्ने भएकाे छ । सामुदायिक विद्यालयको शैक्षिकस्तर वृद्धि र सकारात्मक सन्देश दिने उद्देश्यले यसाे गरिएकाे हाे ।

भारतमा लागू भएकाे नयाँ नागरिकता कानुन विवादित भएकाे छ । धार्मिक उत्पीडन व्यहाेरेका मानिसहरूलाई शरण लिन कानुनले टेवा पुग्ने प्रधानमन्त्री नरेन्द्र मोदीको दाबी छ । तर, आलोचकहरूले नयाँ नागरिकता कानुन मुस्लिमको विरुद्धमा रहेकाे बताएका छन् ।

बहराइनविरुद्ध विश्वकप छनोट फुटबल खेल्ने नेपाली टोलीको घोषणा भएकाे छ । अभिशेक लिम्बू, अजय चौधरी, सौभाग्य राई, रोहन कार्की, समिर तामाङ र विशाल बस्नेत नयाँ खेलाडीका रूपमा समेटिएका छन् । नेपालले मलेसियासँग आउने चैत २ गते खेल्ने छ ।

भिडियाे :

प्रकाशित मिति: मंगलबार, फागुन २९, २०८० १९:४८