खाेकीका बिरामीले ४ वटा अस्पताल चहार्दा पनि पाएनन् उपचार (भिडियाेसहित)

कोरोनाको त्रासमा हस्पिटलहरूले अत्यावश्‍यक उपचार आवश्‍यक परेका बिरामीलाई पनि उपचार गरेका छैनन् । एक हस्पिटलले अर्कोलाई र अर्कोले फेरि अर्को हस्पिटलमा रिफर गरे पनि बिरामीले उपचार पाउन सकेका छैनन् ।

बुधबार एक वयोवृद्ध जोडीले यस्तै नियति भोग्नुपर्‍याे । उनीहरूले उपचार पाउनका लागि कोरोना नभएको पुष्टि त गरे तर पनि उपचार पाउन सकेका छैनन्र ।

लामो समयदेखि खोकीले ग्रस्त श्रीमती रुकमणि पराजुलीलाई भक्तपुरका हरेराम पराजुलीले एक साताअघि ठिमी हस्पिटलमा उपचार गर्न लगेका थिए । निरन्तर खोकी लागेका कारण कतै टीभी त हाेइन भन्ने आशंकामा उनलाई ठिमी हस्पिटल लगियाे । त्यहाँ टीभी हाेइन, निमोनिया भनेर औषधि दिएपछि उनी श्रीमती लिएर घर गए ।

१ सातासम्म पनि अवस्था उस्तै रह्‍यो । उनले लोकन्थलीको समिट हस्पिटलमा बिहानै पुर्‍याए । समिटले उपचार गर्न मानेर बरु कोरोना नभएको पुष्टि गर्न माग गर्‍यो ।

एम्बुलेन्समा राखेर उनले ६१ वर्षीया श्रीमतीलाई कोरना हो वा हाेइन भन्ने विषयमा चेकजाँच गर्न शुक्रराज ट्रपिकल हस्पिटल टेकु पुर्‍याए । काेराेना हाेइन भन्ने पुष्टि भएपछि वीर हस्पिटललाई रिफर गरियो ।

वीरमा रिफर त भयो, जाने कसरी ? न शुक्रराजले उपचार गर्छ, न वीरमा लैजान साधन छ । हस्पिटलले एम्बुलेन्स पनि उपलब्ध नगराएको ती वृद्धाको गुनासो छ ।

एम्बुलेन्स भनिदिनु न त भनेको पुलिससँग कुरा गर भन्छ । १०० मा फोन गरेर पनि सहायता पाइएन, उनले भने, बूढीलाई गाह्रो भइसकेको छ, अब के गर्ने ?

उनले वीर हस्पिटलमा पनि उपचार नगराएका हाेइनन्, हस्पिटलमा पनि एम्बुलेन्स नभएको बताएको छ । उपचारको खोजीमा एकाबिहानै निस्केको जोडी टेकुमा छटपटाइरहेको छ । तर उपचार पाएको छैन ।

भिडियाे ः

प्रकाशित मिति: बुधबार, चैत १२, २०७६ १३:५७